O magosto

Este curso poidemos celebrar novamente o magosto.

As nenas e nenos de infantil festexaron este día no colexio coas súas familias tiveron un castañeiro para as castañas e xogos nos que poideron participar pequenos e maiores.

ALBUM DE FOTOS DE INFANTIL

As rapazas e rapaces de secundaria e primaria poideron gozar dunha mañá ao aire libre parque forestal Bandeira poideron pasear, xogar e, por suposto, comer castañas asadas.

ALBUM DE FOTOS DE PRIMARIA E SECUNDARIA

Samaín

Polo Samaín decoramos o colexio con cabazas, bruxas, arañas, esqueletos…, as portas, as paredes… Tamén celebramos o concurso de cabazas. Se queres ver fotos e saber máis visita o blog de DINAMIZACIÓN.

«Faro da Escola» VI Edición

Unha representación das alumnas e alumnos do colexio que participaron na VI Edición do Faro da Escola, acudiron ao Pavillón de Navia á entrega de premios. Esta entrega foi seguida dende as aulas polas súas compañeiras e compañeiros. Faro da Escola é un proxecto de elaboración dun xornal e no que temos participado en case todas as súas edicións. Este ano recibimos o 3º premio á mellor reportaxe, na que se tratou de reflectir os aspectos positivos da pandemia ; e un acésit polo traballo de investigación empregando a hemeroteca de Faro de Vigo (sobre a Gripe Española e un artigo do Faro do 1 de outubro de 1918); ambos realizados por alumnas e alumnos de 5º.

Campamento de Verán

Xa estamos a organizar o Campamento de Verán conxuntamente con Koremi.

Unha morea de actividades temáticas ao aire libre para pasar os días de lecer. Está dirixido as nenas e nenos tanto do colexio coma de fóra.

Grande flexibilidade de datas podendo participar por mes, semanas e días. Toda a información e inscripcións: 605788071 – 678415501 – 685203756 – koremi@koremi.es

INSCRIPCIÓN

PROTOCOLO COVID

Como nacen os pitiños?

En segundo de primaria fixeron un experimento… queredes saber máis? poñede atención ao vídeo.

Proximamente, na edición do Faro da Escola deste curso, poderedes saber como foi o resultado relatado con todo detalle.

Educación viaria

Os rapaces  de 5ºe 6º de Primaria recibiron a visita da policía local o pasado mércores día 7 de abril que, como todos os anos, trataron o tema da educación viaria que é tan importante nestas idades nas xa que comezan a andar solos pola rúa. Aprenderon por exemplo a fixarse a hora de cruzar as rúas ou como utilizar con precaución a bici…

Día Internacional da Muller e da Nena na Ciencia

Faro da Escola – edición 20-21

As alumnas e alumnos de 3º, 4º ,5º, 6º de Primaria e 3º e 4º da ESO do noso Centro participaron o día 18 de febreiro xunto con outros 59 colexios na charla ofrecida polo Faro da Escola para conmemorar o Día Internacional da Muller e da Nena na Ciencia. Por iso, Faro de Vigo ofertou a todos estes centros unha charla con dúas científicas que exercen o seu oficio na actualidade: Marta López Cabo e Eva Balsa-Canto do Instituto de Investigacións Mariñas (IIMM) e do Consello Superior de Investigación Científica (CSIC).

Seguiron con atención as explicacións das cintíficas que, ademáis de contarlles as súas experiencias, trataron o tema da desigualdade entre homes e mulleres que ainda perdura no ámbito científico. Tamén  deron respostas a todas as preguntas que lles fixeron.

Deixámosvos o enlace á reportaxe do Faro de Vigo para ampliar a información sobre esta actividade e ver as fotos.