As Embryophytas

As plantas terrestres ou embriófitas son un clado (grupo monofilético) formado polos descendentes dalgunhas algas verdes e que se caracterizan por ter unha serie de adaptacións idóneas para a vida fóra da auga e que lles serviron para colonizar todos os continentes.

Este clado comprende diferentes grupos de plantas como son as briófitas, as pteridófitas, as ximnospermas e as anxiospermas.

Cóntanos un pouco máis disto Nicolás Rodríguez, alumno de 1º ESO.

Para coñecer un pouco máis sobre este clado de plantas os alumnos de 1º ESO, Izan González, Iago Costas e Pablo Estévez, fixeron un pequeno documental onde nos explican as principais características de cada grupo e nos mostran exemplos das especies representativas da nosa contorna. Vexamos que tal lles foi!

Día mundial do ADN

Dende o ano 2003, o 25 de abril celébrase en todo o mundo o día do ADN en conmemoración ao descubrimento da súa estrutura tridimensional a cal sentou as bases para comprender como se replica e se transmite o material xenético a través das distintas xeracións de seres vivos. Ademais do anterior, nesta data tamén se festexa a culminación do Proxecto Xenoma Humano en abril de 2003, o cal permitiu secuenciar os miles de xenes que compoñen o xenoma humano.

Para coñecer un pouco máis sobre o por que deste día vexamos un pouco de historia da ciencia…

En 1953, o biólogo estadounidense James Dewey Watson e o físico británico Francis Harry Compton Crick, coñecidos na historia da ciencia como Watson e Crick, baseándose nos estudos previos do biofísico Maurice Wilkins e da cristalógrafa Rosalind Franklin, publicaron na revista Nature o artigo: Molecular Structure of Nucleic Acids: A Structure for Deoxyribose Nucleic Acid no que explicaban o modelo de dobre hélice do ácido desoxirribonucleico (ADN), e polo que recibiron o Premio Nobel de Fisioloxía e Medicina en 1962.

O que nos fixemos…

Os alumnos e alumnas de bioloxía de 1º e 3º da ESO elaboraron o seu propio experimento para coñecer de primeira man que é isto do ADN. Para elo, realizaron unha extracción do ADN de células vexetais empregando amorodos e plátanos. Vexamos que tal lles foi!

Aquí tedes máis información sobre o experimento:

Día Internacional da Muller e da Nena na Ciencia

Faro da Escola – edición 20-21

As alumnas e alumnos de 3º, 4º ,5º, 6º de Primaria e 3º e 4º da ESO do noso Centro participaron o día 18 de febreiro xunto con outros 59 colexios na charla ofrecida polo Faro da Escola para conmemorar o Día Internacional da Muller e da Nena na Ciencia. Por iso, Faro de Vigo ofertou a todos estes centros unha charla con dúas científicas que exercen o seu oficio na actualidade: Marta López Cabo e Eva Balsa-Canto do Instituto de Investigacións Mariñas (IIMM) e do Consello Superior de Investigación Científica (CSIC).

Seguiron con atención as explicacións das cintíficas que, ademáis de contarlles as súas experiencias, trataron o tema da desigualdade entre homes e mulleres que ainda perdura no ámbito científico. Tamén  deron respostas a todas as preguntas que lles fixeron.

Deixámosvos o enlace á reportaxe do Faro de Vigo para ampliar a información sobre esta actividade e ver as fotos.

NAS ILLAS ATLÁNTICAS (Novembro-20)

Os rapaces e rapazas de primaria do noso colexio recibimos nestes días a visita das monitoras do Parque Nacional Marítimo-Terrestre das Illas Atlánticas de Galicia.

As monitoras explicáronnos a fauna, as paisaxes e tódolos ecosistemas que hai nas illas.

Como este ano temos que tomar moitas precaucións debido á Covid, as actividades foron diferentes ás que faciamos outros anos, pois non podemos traballar en grupos nin tocarnos, pero aínda así foi divertido.

Algunhas das actividades desenvolvidas foron as seguintes: aprender o significado de Parque Nacional, xogar con tarxetas de animais e plantas que debiamos asociar aos diferentes ecosistemas que hai nas illas, ver un vídeo dos fondos mariños, traballar con carteis e pegatinas informativas, ver restos de ourizos, plumas de aves e ata unha camisa dunha serpe, aprendendo así os rastros que deixan os seres vivos que habitan alí.

Pasamos un bo rato viaxando mentalmente ao noso Parque Nacional, e para rematar, agasalláronnos a todos cun marcapáxinas e unha postal.

Que bonitas son as nosas illas e canta vida hai nelas que debemos protexer!

SEMANA DAS CIENCIAS (Novembro-20)

No mes de novembro sempre celebramos na escola a Semana das Ciencias. Este curso, debido á situación especial que vivimos, propuxémosvos un concurso para participar en familia dende casa: «SUXÍREME UN EXPERIMENTO CASEIRO». Recibimos moitos vídeos moi interesantes, dos cales eliximos os mellores de cada clase e deixámosvolos neste enlace para que poidades comprobar cantos futuros científicos se agochan nas nosas aulas.

ÁLBUM DE VÍDEOS